Қуандық Бишімбаевтың бұрынғы әйелі қыз-келіншектермен ақылы кездесу өткізбек
Ол кітап жазып жатқанын да айтты.
Әйелі Салтанат Нүкенованы өлтіргені үшін 24 жылға сотталған экс-министр Қуандық Бишімбаевтың бұрынғы жұбайы Назым Қаһарман қыз-келіншектердің басын қоспақ, деп хабарлайды Malim.kz.
Назым қараша айында Астана мен Алматыда қыз-келіншектермен кездесу ұйымдастыратынын айтты. Идея авторының сөзінше, басқосу құны 85 мың теңге тұрады. Ал онда жәбірленушінің рөліне түсіп қалмау, күйзеліспен күрес секілді тақырыптар талқыланатынын алға тартты.
Бұл кездесулерде өмірдің қиын кезеңдерінде де әдемі және сау болып қалу жайында әңгімелесеміз. Өз-өзіңді қолға алу және стрессті жеңу жолдары туралы кеңестерімді айтамын. Жәбірленуші рөліне түсудің орнына, өзіңді күшті және сенімді сезінуге көмектесетін өзіне-өзі көмектесу стратегияларын талқылаймыз. Біз бұл уақытты жылы, сана мен жанға пайдалы етіп өткіземіз, - деп жазды Назым Қаһарман.
Сондай-ақ ол отбасылық өмірі туралы кітап жазып жатқанын да тілге тиек етті. Назым бұл кітапта Қуандық Бишімбаев туралы да жайттар барын айтты.
Бұл кітап өзім жайлы. Менің бірінші некем, ажырасуым жайында болғандықтан, кей кейіпкерлер туралы да жазылады, - деп жазды ол.
Фото: Видеодан алынған кадр
