Құлсары қаласында су басқан үйден 4 бала мен анасы құтқарылды
Үй терезесінен айқайлап көмек сұраған дауыс шыққан.
Атырау облысы Құлсары қаласында су басқан үйден төрт бала анасымен бірге құтқарылды.
Qazaqstan ұлттық арнасының мәліметінше, сәуірдің 5-нен 6-на қараған түні Құлсары қаласының тұрғындарын эвакуациялау кезінде «Жаңа құрылыс» учаскесіндегі бір үйдің терезесінен айқайлап көмек сұраған дауыс шыққан. Жылыой ауданы полиция бөлімінің қызметкерлері үйге қайықпен барып, қиын жағдайда қалған келіншекті 4 баласымен құтқарып қалды.
Құтқару жұмыстары жалғасып жатыр.
Фото: видеодан скрин
