Жамбыл облысы Байзақ ауданы Көкбастау ауылындағы орта мектептің 10 сынып оқушысы өз-өзіне қол салған. HALYQSTAN телеграм-арнасының жазуынша, ол өз үйінің сарайында асылып өлген күйінде табылған, деп хабарлайды Malim.kz.
Дереккөзге қарағанда, 15 жастағы бала – толық емес отбасында тәрбие алған 6 баланың бірі. Ауыл тұрғындарының айтуынша, оның әкесі 4 жыл бұрын ұзақ аурудан қайтыс болған.
Балаларды аналары жалғыз тәрбиелеген. Отбасы туралы тек жақсы пікірлер айтылады, балалар өте тәрбиелі болған. Суицидке бейімділік белгілері байқалмаған.
Өлімнің себебі тергеу барысында анықталмақ. Қылмыстық кодексінің 105-бабының 3-бөлігі (кәмелетке толмаған баланы өз-өзіне қол жұмсауға итермелеу) бойынша қылмыстық іс қозғалған.
Оқушы ешқандай хат қалдырмаған. Оның жеке заттары мен телефонынан күдікті нәрселер табылмаған.
Фото: alkospas.ru
Байланысты жаналықтар
MalimBlocks
