Арыстанбек Мұхамедиұлы әлі 2 ай қамауда отырады
Бюджет қаражатын жымқырды деген күдікпен қамауға алынды
ҚР Ұлттық музейінің бұрынғы директоры Арыстанбек Мұхамедиұлын қамауға алу мерзімі тағы ұзартылды. Бұл туралы Астана сотының баспасөз қызметі хабарлады. Экс-министр әлі екі ай қамауда отырады.
«2023 жылдың 13 ақпанында Астана қаласының мамандандырылған ауданаралық тергеу соты күдікті Арыстанбек Мұхамедиұлын қамауда ұстау мерзімін екі айға ұзартты», - делінген хабарламада.
Еске салайық, биыл 29 мамырда Арыстанбек Мұхамедиұлы бюджет қаражатын жымқырды деген күдікпен қамауға алынды.
Антикор ұлттық музейдің бұрынғы басшысына «Алтын адамның әлем музейлеріне шеруі» халықаралық көрмесін өткізу жөніндегі мемлекеттік сатып алу туралы шарт аясында 146 миллион теңге сомасында бюджет қаражатын жымқырды деген айып тақты.
Кейін еліміздің ішкі істер министрлігі Арыстанбек Мұхамедиұлының «суицид әрекетіне» қатысты түсініктеме берген еді. Сонымен қатар, А.Мұхамедиұлының ісіне қатысы бар деген кіүдікпен «ҚР Ұлттық мұражайы» РМҚК директорының бұрынғы орынбасары А.Ш. Нұразхан ұсталған болатын.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
