29 желтоқсанда мәжіліс депутаты Бекболат Тілеуханның депутаттық өкілеттілігі мерзімінен бұрын тоқтады деп хабарлады ақпарат агенттіктері. ОСК мүшесі Асылбек Смағұловтың айтуынша, депутаттық мандаттан бас тарту өтінішін депутаттың өзі берген. Б.Тілеуханның бұл ұсынысын әріптестері бір ауыздан қолдаған.
"Артық айтқан сөзім болса кейбір әріптестерімнен кешірім сұраймын" депті мәжіліс жиынында Б.Тілеухан.
Сондай-ақ, Б.Тілеуханның Бүкіләлемдік этноспорт конфедерациясының вице-президенті болғаны хабарланды. Бұл ұйымның президенті Түркия президенті Тайып Ердоғанның үшінші ұлы Билал Ердоған. Яғни, ұйым орталығы Түркияда. Демек, алдағы күндері Б.Тілеухан күз бен көктемде қабағы ашылмайтын, аязы қарып тұратын Нұр-Сұлтанды тастап, күншуақты Түркияға көшіп кетуі әбден мүмкін.
Байланысты жаналықтар
MalimBlocks
