БҰҰ миссиясына қатысты қорғаныс министрі не дейді?
Бүгін, 19 қаңтарда Парламет палаталарының бірлескен отырысында Сенат пен Мәжіліс депутаттары БҰҰ миссиясымен бітімгершілік күштерді Голан биігіне жіберу мәселесін мақұлдады.
Қорғаныс министрі Руслан Жақсылықов Қазақстан алғаш рет БҰҰ-дан тәуелсіз миссия алып отырғанын айтады.
– Біз өз туымыз астында тұңғыш рет миссияны орындауға барамыз. Бізге ұсынылатын міндеттер бар: резервте болу, қажет жағдайда аумақты патрульдеу, минадан тазалау, БҰҰ аумағын күзету,-деді қорғаныс министрі.
Қазақстан әскерилерін БҰҰ бітімгершілік аумақтарына жіберу Қазақстанды қандай да бір соғысқа дайындау емес пе? Себебі қазіргі уақытта көршілес Ресей Украинамен соғысып жатыр. Ресейдің танымал адамдары мен саясаткерлері оқтын-оқтын Қазақстанның да тұтастығына күмән келтіретін мәлімдемелер жасап жүр. Ал Қаңтар оқиғасына байланысты «біздің ел әскерінің қауқары әлсіз» деген де пікірлер айтылды.
Бұл туралы журналистерге сұхбат берген Қорғаныс министрі Руслан Жақсылықов БҰҰ миссиясымен баратын әскердің мақсатын түсіндірді.
– Бітімгершілік мақсатқа барғанда әскер соғысуды үйренбейді. Біздің алдымызға қойған негізгі мақсат ол – әлемдік тәжірибені зерттеу. Себебі негізгі жұмсысымыз бейбіт миссияны орындау, өзара қақтығысып жатқан аймақтарды ажырату және басқа да мәселе. Бұл – соғыс емес, – дейді Жақсылықов.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
