Эмомали Рахмон: Террористерде ұлт та, Отан да, дін де болмайды
Тәжікстан президенті Эмомали Рахмон Ресей президенті Владимир Путинмен телефон арқылы сөйлесті.
Ол «Крокус Сити Холл» кешеніндегі террорлық әрекетті айыптады. Бұл туралы Ресей президентінің баспасөз қызметі таратқан мәліметте айтылды.
- Террористерде ұлт та, Отан да, дін де болмайды,-деді Эмомали Рахмон.
Рахмон теракт кезінде қаза тапқандардың отбасына көңіл айтып, жараланғандарға тезірек сауықсын деген тілегін білдірген.
Телефонмен әңгіме барысында Тәжікстан президенті терроризммен күресте екі елдің құзырлы органдарын одан әрі бірігіп жұмыс істеуге шақырған.
Бұған дейін Мәскеуде теракт жасап, кейін ұсталған лаңкестердің Тәжікстан азаматтары екені айтылды. Ресми Ашхабад бұл ақпаратты жоққа шығарған еді.
Айта кетейік, 22-наурызда Мәскеуде болған террорлық әрекет кезінде 133 адам қаза тапты.
Бейбіт тұрғындарды өлтіруді ДАИШ (Қазақстанда заңмен тиым салынған) террористік ұйымы мойнына алған.
Фото: pressa.tj
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
