Бүгін Стратегиялық жоспарлау және реформалар агенттігінің жаңа төрағасы тағайындалды, деп хабарлайды Malim.kz
Мемлекет басшысының жарлығымен Әсет Арманұлы Ерғалиев Қазақстан Республикасы Стратегиялық жоспарлау және реформалар агенттігінің төрағасы болып тағайындалды, ол бұрынғы атқарған лауазымынан босатылды, - делінген Ақорда хабарламасында.
Еске салсақ, Әсет Ерғалиев бұл қызметті бұған дейін де атқарған. Атап айтсақ, 2022 жылғы 6 қаңтардан бастап 2023 жылға дейін істеген.
Айта кетейік, Әсет Ерғалиев 2021 жылы министр кезінде күніне азық-түлік сатып алуға қанша теңге жұмсайсыз деген сұраққа жауап беріп жатып, шатасқан болатын.
«Отбасымызбен күніне тамаққа 50-60 мың теңге жұмсаймыз», - деген болатын министр Мәжіліс кулуарында. Бірақ «бұл бір айда ма?» деп нақтылаған кезде «иә» деп жауап берді.
«Біз де нан, сүт, қант сатып аламыз. Біздің де отбасымыз сіздердікіндей», - деді Ерғалиев.
Фото: primeminister.kz
Байланысты жаналықтар
MalimBlocks
