Мемлекет басшысы Сербия президентімен телефон арқылы сөйлесті
Мемлекет басшысы Сербия президенті Александр Вучичпен телефон арқылы сөйлесті
Мемлекет басшысы Сербия президенті Александр Вучичпен телефон арқылы сөйлесті, - деп хабарлайды Malim.kz тілшісі.
Қасым-Жомарт Тоқаев пен Александр Вучич екіжақты ынтымақтастықтың даму қарқынын жоғары бағалап, қазақ-серб қарым-қатынастарын одан әрі нығайтуға ниетті екенін жеткізді.
Тараптар Қазақстан Президентінің 2024 жылғы қараша айында Белградқа ресми сапары барысында қол жеткізілген уағдаластықтарды жүзеге асыру барысын талқылады.
Мемлекеттер басшылары сауда-экономикалық және инвестициялық байланыстарды жандандырудың, соның ішінде өнеркәсіп, энергетика, құрылыс, ауыл шаруашылығы, цифрландыру, көлік және логистика салаларындағы бірлескен бастамаларды нақты іске асырудың маңызын атап өтті.
Қасым-Жомарт Тоқаев Александр Вучичті биыл Қазақстанға ресми сапармен келуге шақырды.
Фото: Ақорда
Байланысты жаналықтар
MalimBlocks
