Олжас Бектенов құтқарушыларға алғыс айтты
Бүгінгі үкімет отырысында Олжас Бектенов су тасқынына орай жарияланған төтенше жағдайда белсенділік танытқан азаматтарға алғыс айтты.
Премьер-министр жұртты басын қауіп-қатерге тігіп, құтқару ісімен айналысып жүрген азаматтарға мейлінше, қолдау білдіріп, оларға кедергі келтірмеуге шақырды.
Су тасқыны мәселесі туындағалы бері тұрғындарға көмек қолын созған құтқарушыға шабуыл жасау факті де тіркелген. Мәселен, Батыс Қазақстан облысында қызметтік міндетін атқарып жүрген сержант Батырбек Қапсықовты ауыл тұрғындарының бірі екі рет пышақтаған. Құтқарушы аман. Қылмыскер ұсталды.
Ақтөбе облысында құтқарушылар жүкіт әйелді босандырып алған. Дер кезінде көрсетілген көмектің арқасында анасы мен егіз нәрестенің жағдайлары жақсы.
«Осы мүмкіндікті пайдалана отырып, мен қазіргідей қиын жағдайда ел тұрғындарына көмек қолын созып жатқан құтқарушыларға, ұшқыштарға, Ішкі істер министрлігі мен Ұлттық ұланның қызметкерлеріне, медицина қызметкерлеріне және қатардағы еріктілерге алғысымды білдіргім келеді», - деді Олжас Бектенов.
Фото: Үкімет
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
