Президент жолдауын дайындау және іске асыру ережесі өзгерді
Үкімет аппараты жалпыұлттық жоспар бекітілгеннен кейінгі 20 жұмыс күнінің ішінде жобалық басқарудың ақпараттық жүйесіне жалпыұлттық жоспар іс-шараларын іске-асыру жол картасының қалыптастырылуын және толтырылуын қамтамасыз етеді
Мемлекет басшысы ҚР Президентінің Жолдауын дайындау және іске асыру, актілерімен және тапсырмаларымен жұмыс істеу және олардың орындалуын бақылауды жүзеге асыру, нормативтік құқықтық жарлықтарға мониторинг жүргізу қағидаларын бекіту туралы ережеге өзгертулер енгізу туралы 2025 жылдың 10 ақпанындағы жарлыққа қол қойды, - Malim.kz.
Ережеге сәйкес, Үкімет аппараты жалпыұлттық жоспар бекітілгеннен кейінгі 20 жұмыс күнінің ішінде жобалық басқарудың ақпараттық жүйесіне жалпыұлттық жоспар іс-шараларын іске-асыру жол картасының қалыптастырылуын және толтырылуын қамтамасыз етеді.
Жауапты мемлекеттік орган Президент пен Президент Әкімшілігі басшылығының заңнамалық түзетулер қабылдау мәселелері жөніндегі тапсырмасы келіп түскен күннен бастап, екі апта мерзімде Президент Әкімшілігіне және Үкімет аппаратына Әділет министрлігімен келісілген орындау процесі мен оның кезеңдері туралы пайым енгізеді.
Тапсырмаларды орындау мерзімін ұзартуға (бірінші ұзартуға) кінәлі лауазымды адамдардың тәртіптік жауаптылығы туралы мәселені қарай отырып, Президенттің немесе Президент Әкімшілігі Басшысының шешімі бойынша жол беріледі.
Фото: Freepik
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
