Ресей Ростовқа ATACMS зымырандарымен шабуыл жасалды дейді
Қорғаныс министрлігі әуені қорғау жүйелері ATACMS ракеталарының бәрін және «Storm Shadow» қанатты зымыранының үшеуін атып түсіргенін мәлімдеді.
Фото: Панорама
Ресей Қорғаныс министрлігі Украина Ростов облысын батыста шығарылған он ракета шабуыл жасады деп мәлімдеді. Бұл туралы ВВС жазды.
Ресей Қорғаныс министрлігі 18 желтоқсанда Украина Қарулы Күштері батыс өндірісіндегі ракеталармен Ростов облысындағы «Каменский комбинаты» әскери зауытын атқылағанын растады.
Ресейлік әскери күштер соққы кезінде «АҚШ-та жасалған алты ATACMS оперативті-тактикалық ракетасы және төрт «Storm Shadow» қанатты ракета қолданылғанын» айтады. Қорғаныс министрлігі әуені қорғау жүйелері ATACMS ракеталарының бәрін және «Storm Shadow» қанатты зымыранының үшеуін атып түсіргенін мәлімдеді.
Ресейлік әскерилердің айтуынша, тағы бір қанатты ракета «шабуыл объектісінен ауытқып», комбинат аумағындағы «техникалық ғимаратты» бүлдірген.
«Каменский комбинаты» соққы туралы ақпарат сәрсенбіде жария болды: Ресейдің әуе қорғаныс жүйелерінің жұмысын және жарылыстарды көрсететін кадрлар жергілікті телеграм-арналарда пайда болды.
Украиналық әскери басылым Defence Express бұл шабуылдың сәтті өткенін «кәсіпорын аумағында естілген үш жарылыс» куәландырады деп жазды.
Украина қауіпсіздік қызметінің ақпаратқа қарсы күрес орталығының жетекшісі Андрей Коваленко «Каменский комбинаты» зымыран отыны өндіретінін, оның ішінде реактивті жүйелер мен континентаралық баллистикалық зымырандардың қозғалтқыштары үшін қатты отын компоненттерін шығарумен айналысатынын атап өтті.
Defence Express басылымының мәліметінше, кәсіпорын өнімдері «Ураган», «Смерч» және «Торнадо-М» дрондарына, сондай-ақ «Искандер» зымырандарын өндіруге пайдаланылады.
Соғыс жағдайында екі жақтың ресми органдарының мәлімдемелерінің растығын дәлелдеу мүмкін емес.
