«Бурятқа айналған атыраулық қазақ» Украинадағы соғыста қаза тапты
Тасболат Ибрашев кім? Тасболат Ибрашев 2008 жылы Ресейдің Грузияға жасаған басқыншылығы кезінде танымал болған.
3 ақпанда Волчанск қаласында Атырау облысының тумасы, қазақ Тасболат Ибрашев қаза тапты. Бұл туралы журналист Виктор Шацких хабарлады, деп жазады NewTimes.kz сайтына сілтеме жасап www.malim.kz.
Украина қорғаныс күштері Ресей әскери қызметшісі Тасболат Ибрашевтың көзін жойды. Ол 2025 жылдың 3 ақпанында Харьков облысындағы Волчанск қаласындаға ышайқас кезінде өлтірілген.
Тасболат Ибрашев кім? Тасболат Ибрашев 2008 жылы Ресейдің Грузияға жасаған басқыншылығы кезінде танымал болған. Сол кезде әлемге орыс пулеметшісінің жалғыз өзі грузин әскери колоннасының жолын бөгеген сәті түсірілген кадрлар тараған. Ұзақ уақыт бойы суреттегі адам Бурятиядан шыққан Бато Дашидоржиев деп келген. Алайда кейінірек бұл суреттегі адам бурят емес, Қазақстанның тумасы Тасболат Ибрашев екені анықталды.
Ибрашев 1984 жылы Қазақстанда дүниеге келген, 1986 жылы анасымен бірге Ресейге қоныс аударған. 2008 жылы ол Солтүстік Кавказда қызмет етіп, 2010 жылы контрактісі аяқталғаннан кейін Астраханьға оралған.
Фото: AP Photo / Darko Bandic
