РФ Үкіметі Қорғаныс министрлігіне Еуроодақтың бірқатар елдерімен және Ұлыбританиямен жасалған әскери ынтымақтастық жөніндегі келісімдерді бұзуға рұқсат берді, деп хабарлайды Malim.kz. DW-ге сілтеме жасап.
Ресей Қорғаныс министрлігі **РФ Үкіметі**нің келісімімен 1992–2002 жылдар аралығында бірқатар еуропалық елдермен жасалған әскери ынтымақтастық туралы 10 келісімді және бір меморандумды бұзуға өкілеттік алды. Бұл жөніндегі өкім жұма, 19 желтоқсанда ресейлік құқықтық ақпараттың ресми порталында жарияланды.
РФ Қорғаныс министрлігі бұза алатын құжаттар тізіміне «әскери саладағы ынтымақтастық туралы» келісімдер кіреді. Олар Германия, Польша, Румыния, Дания, Норвегия, Нидерланды, Хорватия, Бельгия және Чехия елдерімен жасалған. Сондай-ақ РФ, Ұлыбритания және Солтүстік Ирландия қорғаныс министрліктері арасында жасалған меморандум да бар.
Бұзылатын келісімдер Кеңес Одағы ыдырағаннан кейін қалыптасқан, қол қоюшы тараптар арасындағы екіжақты әскери өзара іс-қимылды реттеген құқықтық негіздің бір бөлігі болғанын бұқаралық ақпарат құралдары атап өтеді.
