Саратов және Энгельс қалалары өткен түнде украиналық дрондардың жаппай шабуылына ұшырады деп хабарлады Саратов облысының губернаторы Роман Бусаргин өзінің телеграмдағы арнасында.
Бұған дейін ол өңірдің бір өнеркәсіп нысанына зиян келгенін хабарлаған, бірақ оның нақты қай нысан екенін айтпаған болатын.
Ресейлік телеграм-арналарда шабуылға жергілікті мұнай қоймасы ұшырағаны жазылды. Сол жердің тұрғындарының айтуынша, қоймадан өрт шыққан.
Бусаргин таңертең телеграм арнасында оқиға орнынан түскен суреттерді жариялады, суреттерден өрт болғанын байқауға болады.
Ресей Қорғаныс министрлігі Саратов облысында 11 дронның жойылғанын хабарлады. Ведомствоның мәліметінше, жалпы алғанда түнде әртүрлі аймақтарда Украинаның 32 дроны жойылған.
Фото: T.ME/BUSARGIN_R
