Тоқаев Павлодар облысының әкімін қабылдады
Президент Қасым-Жомарт Тоқаев Павлодар облысының әкімі Асайын Байхановты қабылдады, - деп хабарлайды Malim.kz тілшісі.
Асайын Байханов Қасым-Жомарт Тоқаевқа Павлодар облысының былтырғы әлеуметтік-экономикалық даму қорытындылары туралы есеп беріп, алдағы кезеңге арналған жоспарын таныстырды.
Павлодар облысында экономиканың барлық негізгі саласы бойынша өсім байқалады:
- Былтыр өңірлік жалпы өнім 5,8%-ға ұлғайды;
- 1,1 трлн теңге инвестиция (+38%) тартылды.
Облыс әкімі ірі инвестициялық жобалардың жүзеге асырылуы туралы баяндады:
Құрамында алтын бар концентратты қайта өңдеу және ферроқорытпа өндірісі бойынша 2 үлкен жоба қолға алынады.
Екібастұзда 3 ферроқорытпа зауытын (қуаттылығы 460 мың тонна) салу жоспарланған. Бұл кәсіпорындар іске қосылса, Қазақстан ферроқорытпа өндірісі бойынша әлемде екінші орынға шығады.
Барлық әлеуметтік міндеттеменің жүйелі түрде орындалып жатқаны туралы айтылды:
- 30 мыңнан астам жаңа жұмыс орны ашылған;
- 40 әлеуметтік нысан пайдалануға берілген, тағы 83-і жаңғыртылған;
- Қосымша білім беретін 3 орталық, 1800 оқушыға арналған «Жайлы мектептер» салынған;
- Апаттық жағдайдағы мектептердің орнына 3 білім беру нысаны бой көтеріп, 26 оқу ошағы жөнделген.
Инфрақұрылым:
- Кейінгі 20 жылда алғаш рет жылумен жабдықтау желілерінің тозу деңгейі 1,3 пайызға төмендеген;
- Қоғамдық көлік 80 пайызға жаңартылып, 230 автобус жеткізілген;
- Трамвай паркі жаңарып жатыр. Жаңа 25 вагонның алғашқы партиясы биыл қыркүйекте жеткізіледі.
Президент қандай тапсырмалар берді?
- Инвестиция тартуды жалғастыру,
- «Жайлы мектеп» ұлттық жоспарын сапалы және уақтылы жүзеге асыру,
- Облыс экономикасын одан әрі әртараптандыру, әлеуметтік саланы дамыту, инфрақұрылымды жаңғырту, көктемгі егіс жұмыстарына дайындық жүргізу.
Фото: Ақорда
Самое читаемое
