Әлеуметтік желілерде Абу-Дабиде өткен Дженнифер Лопестің концерті кезінде болған қызықты сәттің видеосы тарады. Кадрларда сахнаға жақындай түскен бойжеткен әйгілі әншімен әңгімелесіп, өзінің Қазақстаннан екенін айтады, деп хабарлайды Malim.kz Skifnews-ке сілтеме жасап.
Бұл қыздың есімі – Бинура. Концерт барысында Лопес көрермендермен тілдесуді ұйғарып, залда отырғандардың біріне сұрақ қояды. Сол сәтте сахнаға жақындаған әдемі қыз әншінің назарын өзіне аударады.
Лопес:
— Сен қайдансың? – деп сұрайды.
— Мен Қазақстаннанмын, – деп жауап береді Бинура.
Бұл жауапты естіген Лопес ерекше қуанып:
— Ол Қазақстаннан екен! – деп көпшілікке жариялайды. Содан кейін ол қыздың есімін сұрайды.
— Бинура!
Алайда, әнші бұл есімді бірнеше рет қайталап көргенімен, оны айтуда біраз қиналады. Дегенмен, бар күшін салып, дұрыс айтып шығады.
— Қазақстаннан, қош келдің! Мен тырыстым, тоқтамадым, өте қиын екен. Бинура! Мен сені жақсы көремін! – деп сахнадан айқайлаған Лопес көрермендердің ыстық ықыласына бөленді.
Фотоколлаж: sn.kz
