Қазақстандық музыка индустриясының айнымас бөлшегіне айналған «Орда» тобы тарайды. Бұл туралы өнер иелері қорытынды концертінде мәлімдеді, деп хабарлайды Malim.kz.
2000 жылдардың басында құрылған «Орда» тобы қазақстандық музыканың дамуына елеулі үлес қосты. Топтың алғашқы қадамдары "Бауыржан шоу" театрының құрамында болғанда басталған. Сол кезде Беделхан және Оразбековтер отбасының ағайындары қосылып жұмыс істеп, ән айта бастайды. Олар өздерінің ерекше стилімен, кәсіби вокалымен және жаңашыл аранжировкаларымен танымал болды. Топтың хит әндері бірнеше буын тыңдармандарының жадында сақталып қалғаны анық.
Топ мүшелері алдағы уақытта жеке жобаларымен айналысатынын айтты. Қоштасу концерті жанкүйерлер үшін ерекше эмоцияға толы кеш болды, онда «Орда» өзінің ең үздік әндерін орындап, көрермендеріне алғыс білдірді.
Дегенмен, «Орда» мүшелері сахнадан түбегейлі кетпейтінін және жаңа бағыттарда жұмысын жалғастыратынын жеткізді.
Фото: әлеуметтік желі
