"Біздің кінәміз жоқ": Ерке Есмахан мен күйеуі келеңсіз жағдайға тап болды

Танымал әнші Ерке Есмахан мен Райм Америка Құрама Штаттарында өткізуді жоспарлап отырған концерттерінің болмайтынын айтып, көпшілікке ресми мәлімдеме жасады, деп хабарлайды Malim.kz.

Жұлдызды отбасының мұндай шешім қабылдауы визаға қатысты болып отыр.

Ақпанның 5-і визаға тапсыруға бардық. Кеше 10-ы күні қолыма паспортымды визасымен алдым. Бірақ, Америкада болуға берген уақыты маған 2 ақ күн. Күйеуімдікі де 12-сіне дейін. Біздің концерттердің уақытымен мүлдем сөйкес емес. Сөйтіп білікті мамандармен ақылдасып, сөйлесіп шешімге келдік. Егер біз осы визаның уақытына қарамай, ұшып барып концерт қойсақ бұл заңсыз!, - дейді ол.

Әнші АҚШ заңына қатаң бағынатынын атап өтті.

Әрине визадағы датамен барып кіріп кетуге балады АҚШ қа, біраз күндей жүруге де болады. Бірақ, жұмыс жасауға болмайды. Әсіресе қазіргі жаңа президенттің қатты бақылауына алынып тұрған тема бұл. Ұйымдастырушылар тәуекел етіп келуімізді ұсынды. Әр елдің заңын сыйлағандықтан біз келіспедік. Сонымен концерт болмайды. Көңіл күй жоқ, үйде отырмын кімге ренжірімді білмей, - деп жазды Ерке Есмахан.

Бұйырмаған Америка болды. Исламға аяғым ауыр кезде де визамен кедергілер болып, Райм өзі барып келген еді АҚШ ка концертімен. Одан кейін тағы виза, енді міне тағы виза шаруасы. Осымен 3 ші рет жол түспеді. Бір жағынан хайыр. Бұл жолы тағы аяғым ауыр ғой. Ал Америкаға ұшу 20 сағат. Аллах бірдемеден сақтап тұрған шығар. Концертке билет алған көрерменнен кешірім сұраймыз. Біздің кінәміз жоқ екені факт, - деп жазды әнші.

Фото: әлеуметтік желі