Бүркіт лақапатымен танымал қазақстандық әнші Айбек Жансейітов қайын енесіне тосынсый жасап, су жаңа темір тұлпардың кілтін табыстады, деп хабарлайды Malim.kz.
Бұл сәттің видеосы әлеуметтік желіде тарады.
Аишаның анасы қызының үйіне қонаққа келген. Осы кезде жұлдызды жұп оған көлік сыйлаған. Күйеу баласы алдымен қайын енесіне бір құшақ гүл сыйлап, сонан соң көліктің кілтін берді.
Аишаның анасы таңданысын жасыра алмаған. Ал Бүркіт бұл әйелінің бастамасы екенін айтып, оған алғысын жеткізді.
Мен жұбайымнан әлі көп нәрсе үйренуім керек екен. Бұл Аишаның анасына деген сыйы. Анасына да солай айтқанмын, сөйтсем, ол «Жоқ, бұл Айбек жасаған сыйлық, соның бастамасы» деп шетте тұр, не деген қарапайымдылық. Басқа біреу болса, «мен сыйладым» деп кеудесін қағар еді. Аллаға маған осындай жар сыйлағанына мың рахмет. Жұбайымнан әлі де қарапайымдылыққа үйренуім керек екен деген шешімге келдім, - деді ол.
Фото: instagram.com/aisha_vee
MalimBlocks
