Димаш Құдайбергеннің анасы Светлана Айтбаева болашақ келіні туралы айтты

Көпшілікті толғандырып жүрген сұраққа Димаш Құдайбергеннің анасы Светлана Айтбаева «1001 түн» бағдарламасында жауап берді, деп хабарлайды Malim.kz.

Өнер иесінің ата-анасы ата-әже болуға дайын екенін атап өтті.

«Әрине, тәрбиелі болса дейміз. Қазақта бір ақ ауыз сөзбен жауабын беріп тастаған ғой. «Адал сүт емген бала болса болды ғой» деп айтады. Дәл сондай бала болса деп тілейміз, армандаймыз. Болған сәтте қуанамыз. Күтіп жүрміз. Өзінің бір сәті түседі деп ойлаймыз», - деді Светлана Айтбаева.

Қанат Айтбаев Димаштың анасын өте жақсы ене болатынына сенім білдірді.

«Светлана болашақта жақсы ене болады деп ойлаймын. Өзінің ата-енесінің тілін таба білген жақсы келін болды. Өмір бойы бірге тұрып келе жатқан ене өзінің келініне де болашақта жақсы үлгі болады деп ойлаймын. Сол күнге жеткізгей», - деді Қанат Айтбаев.