Қазақстандық әнші Ерке Есмахан желіде оқырмандарын қызықтырған сауалдарға жауап беріп, отбасылық өмірде кездесетін сәттер туралы айтты, деп хабарлайды Malim.kz.
Өнер иесі отбасылы болған соң өмірінде қандай өзгеріс болғанын айтты.
Ерке Есмаханнан желі қолданушыларының бірі өзін жақсы көру туралы сұраған.
Өзіңізді жақсы көруге біртін-біртін келдіңіз бе? Әлде бұрыннан сондайсыз ба? - деп сұраған оқырман.
Ерке үйінің кенжесі болғандықтан да бала күнінен махаббаттан кенде болмағанын алға тартты.
Үйдің кенжесі болғандықтан шығар, кішкентайымнан ерке, лидер болдым. Өз-өзін жақсы көруден бірінші орын менікі болар. Қазір күйеуімнің пікірі, балаларымның қалауы бар. Мен тек өзімді жақсы көремін, менің айтқаным болады деп отыра алмаймын. Кейде жеңіліп тұрып жеңуге тура келеді. Біраз қызға айтарым бар. Өзіңізді де, жақындарыңызды да сүйе тұрып, басқаларды өзіңізге ғашық еткізіп, айналаңызды шыр айналдырып құлатпайсыз ба?! Әйелсіз ғой, қылық қосыңыз. Сол кезде сіз де, олар да риза болады. Тек баланс керек және ішкі сезіміңізге адал болыңыз, - деп жазды ол.
Фото: instagram.com/erke_esmahan
