Роза Әлқожа шығармашылық үзіліс алатынын мәлімдеді

Эстрада әншісі Роза Әлқожа әлеуметтік желідегі парақшасында денсаулығына байланысты уақытша демалыс алатынын айтты, деп хабарлайды Malim.kz.

Өнер иесі соңғы екі айда тынымсыз гастрольде жүргенін, сол аралықта қос өкпесі қабынып, кейін бронхит пен фарингитке шалдыққанын жазды.

Он бес концертті аяқтап, үшінші кітабымды жарыққа шығарып, бәріне шүкір айтып отырмын. Кейде “темірді қызған кезде соқ” деген қағидам өзімді алға жетелейтін сияқты. Ал сіздер қалайсыздар? Алдымен істеп алып, артынан ойланатын сәттеріңіз бола ма?, — деп бөлісті әнші парақшасында.

Роза Әлқожаның жазбасына көптеген тыңдармандары қолдау білдіріп, тез сауығып, сахнаға қайта оралуын тіледі.

Фото: әлеуметтік желі