Танымал әзілкеш Елдос Қадырханов әйеліне қымбат сыйлық тарту етті
Қанша жылдан бері балалы болуды армандап жүрген Елдос жұбайына алғысын білдірді
Танымал әзілкеш әрі блогер Елдос Қадырханов жақында әлеуметтік желілерде ерекше тосынсыйымен көпшілікті таңғалдырды. Ол сүйікті жары Таңшолпан Шотаеваның туған күніне қымбат көлік сыйлады, деп хабарлайды Malim.kz.
Қанша жылдан бері балалы болуды армандап жүрген Елдос жұбайына алғысын білдіріп: «Биыл елден сүйінші сұрап, көпшілікпен бірге шілдехана тойын тойлайық» деп жазды.
Таңшолпан бұл тосынсыйды күткен жоқ екенін айтып, ерекше қуанышымен бөлісті. Желі қолданушылары ерлі-зайыптыларға жылы лебіздерін білдіріп, Елдостың осындай қадамға барғанына тәнті екендерін жазды.
Көлік сыйлау сәтінен түсірілген бейнежазба бірнеше сағаттың ішінде мыңдаған лайк пен пікір жинап үлгерді.
Фото: instagram.com/eldos_kalabok
