«Түрлі сынақтан өтіп келем». Наркенже Серікбаева есімінің тағдырына қалай әсер еткенін айтты

Танымал әнші Наркенже Серікбаева әлеуметтік желідегі парақшасында жантебірентерлік жазба жариялады, деп хабарлайды Malim.kz.

Өнер иесі тағдырының ауыр болуына есімінің қатысы бар деп болжайды.

Кенжегүл деген атымды жүк көтерер нардай болсын деп Наркенже деп атауында да мән бар-ау… Тағдырдың түрлі сынағынан өтіп келем. (Аллаға шүкір) Күлдіреді, жылатады, құлатады, күн батады, таң атады. Өтіп жатқан өмір. Дөңгеленген дүние, дүниеге кім ие…, - деп жазды әнші.

Ол 6 ай ішінде екі жақын адамынан айырылғаны жанына батқанын айтты.

"Өмірден өткендерден бір хабар жоқ, жағдайы ана жақтың қандай екен деп" осы термеде айтылғандай, 6 айда екі қимас адамдарымнан айрылдым. Ана жаққа барып келген ешкім жоқ қой дегенмен, кейде сағынғанда жағдайларын сұрағың келеді екен. Сырласқың келеді екен…
Бұл термемен молдаларды сынағым жоқ, бірақ өзім түсінбейтін, білмейтін дүниелерді сұрағым келеді", - деп жазды Наркенже Серікбаева.

Фото: Видеодан кадр