Жұлдыз Әбдікәрімова күйеуіне баспанасынан айырылып қалғанын қалай жеткізгенін еске алды

Құны 170 миллион теңге тұратын үйінен айырылып қалған актриса Жұлдыз Әбдікәрімова бұл жайтты күйеуі Қайрат Нұртасқа қалай жеткізгенін айтты. Бұл туралы өнер иесі тележүргізуші Динара Сәтжанға берген сұхбатында баяндады, деп хабарлайды Malim.kz.

Актриса карантин уақытында далаға шыға алмай қалған кезде, жер үй керектігін сезіне бастаған. Сол үшін жер үй алудың әрекетіне кіріскен. Бұл туралы күйеуімен де ақылдасып, ол салынатын үйге келісімін берген.

Жұлдыздың сөзінше, Қайрат көп ұзамай-ақ бұл істе шикілік барын сезе бастаған.

Қайрат менен «енді қашан болады?» деп сұрай берді. Ол күдіктене бастады. Негізі Қайраттың интуициясы өте жақсы дамыған. Ол 2022 жылдың соңында «бірдеңе таза емес» деді. Алаяқ болып шыққанын естігеннен кейін, әрине, Қайратқа айттым. Осындай жағдай болып қалды дедім. Ол сабырлықпен қабылдады. «Бастысы, аман болайық, еңбектеніп, тағы да бір үй алармыз» деді. «Енді не істейсің?» деді. Мен «соңына дейін барамын» дедім. Әйтпесе ол алаяқ ертең өзгені де алдайды, дейді өнер иесі.

Фото: Instagram/zhuldyzabdukarimovaofficial