Алматыда атыс жасаған адамның кім екені белгілі болды
Алматыдағы атыс жасап, 17 қабаттан секіріп көз жұмған адамның кім екені белгілі болды.
Әлеуметтік желіде 24 сәуірде Алматыдағы «Бұқар Жырау Тауэрс» тұрғын үй кешенінде күзетшіні жаралап, кейіннен 17 қабаттан секіріп, өз-өзіне қол жұмсаған адамның 1968 жылғы Ресей азаматы Исаев Руслан Абуұлы екені жөнінде ақпарт тарады. Желідегі құжатта Исаевтың Қазақстанға жұмыс визасымен 2020 жылы 13 қарашада келгені жөнінде және «ұрыс алаңынан келгендер тіркеуінде тұрғандығы» жөнінде айтылған.
Кеше Алматы қаласы полиция департаменті басшысының тергеу істері жөніндегі орынбасары Рустам Абдрахманов Бұқар Жырау Тауэрс тұрғын үй кешенінде оқ атқан адаммен полиция алты сағат келіссөз жүргізгенін, оның ешқандай талап қоймағанын мәлімдеген.
«Келіссөз алты сағатқа созылды. Ер адам есікке қарай отыз рет оқ атты», - деген Абдрахманов.
24 сәуірде «Бұқар Жырау Тауэрс» кешенінің ауласында аңшылық мылтықпен қаруланған ер адам күзетшінің аяғынан атып жаралап, кейіннен 17 қабаттағы пәтеріне қамалып алған. Ол полиция талабына көнбей, оларға қарата оқ жаудырған. Қалалық полиция департаментінің баспасөз хатшысы Салтанат Әзірбек арнайы операция кезінде полицияның қару қолданбағанын, тек газ және шу шығаратын граната қолданғанын мәлімдеген. Күдікті азамат сәуірдің 24-інен 25-іне қараған түні сағат 22-00 шамасында терезедан секіріп, оқиға орнында көз жұмған.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
