Астанада 1967 жылы құрылған саңыраулар қоғамы әлі күнге дейін азаматтармен тығыз жұмыс істеп келеді. Жалпы, елімізде «Саңыраулар қоғамы» алғаш 1937 жылы құрылыпты.
«Біздің негізгі мақсатымыз құлағының мүкісі бар азаматтарды тіркеуге алып, оларға оңалту шараларын жасау. Спортқа, мәдени өмірге, еңбекпен қамтуға басымдық беріледі. Қазір 500-ден аса азамат тіркеуде тұр. Олардың 100-ге жуығы арнаулы мектепте, балабақшаларда оқиды» дейді Саңыраулар қоғамының өкілі Жангелді Рахманұлы.
Елімізде мылқау және құлағы ауыр естиді деген диагнозбен 100 мыңнан аса адам тіркелген. Бұл орталыққа келгендер ым тілінен сабақ алады. Өздерінің күнделікті жұмыстарынан бөлек, қол қимылы әлемінің әліпбиін үйренеді.
Отандық телеарналарда көп жылдан бері сурдоаудармашы болып жұмыс істейтін Самал Жантемірқызы да осы орталыққа келіп сабақ береді.
Самал Жантемірқызы сурдоаудармашылар Қазақстанда тапшы дейді. «Әсіресе қазақтілді мамандар өте аз. Қазір тілімізге көптеген термин сөздер еніп жатыр. Оларды қазақ тілінде түсіндіру өте қиын. Біз ол кезде қысқартып, мағынасын ғана береміз. Сурдоаудармашыларды кәсіби түрде оқытуға назар аударылса» деген ұсыныс білдіреді.
Бүгінде қоғам қазақ тіліндегі сурдоаудармаға зәру. Мамандар сағат санын көбейту керектігін айтып отыр. Құлағының мүкісі бар жандар үшін елімізде арнайы оқу орны да жоқ. Тек дефектология саласы бойынша ғана оқытылады. Ал ым-ишара тілін білетін аз ғана мамандарға келетін жандардың саны тіпті көбейіп барады.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
