Бүгін Алматыдағы Махатма Ганди атындағы саябақта "әлеуметтік желілерді шектейтін" заң жобасына қарсы митинг өтті. Рұқсат етілген митингіге жүзге жуық адам жиналды.
_1650710498.jpeg)
Мінберден сөз сөйлегендер ел арасында “Сырым-Закиева” түзетулері деп аталып кеткен заң жобасы сөз бостандығын шектейтінін, түзетулерге қарсы екенін жеткізді.
Алғашқы болып сөз сөйлеген құқық қорғаушы Татьяна Чернобиль кибербуллинг деген сылтаумен шын мәнінде құжат "интернеттегі ақпаратты бақылауды көздейтін” заң жобасына қарсылық білдіріп, әлі де толықтырулар керек екенін айтты, заң жобасының авторларынан әлі де болса “кибербуллинг” деген сөзге нақты анықтама беруін талап етті.
"Кибербуллинг мәселесін қолданушы құқықтарын шектемей-ақ, әртүрлі амалмен шешуге болады. Біз интернетті бақылауды доғаруды талап етеміз. Кибербуллинг анықталған жағдайда интернет-ресурстар мен контент авторларының мемлекеттік орган талаптарына қарсы шағым түсіруіне мүмкіндігі болуы керек", - деді Чернобиль.
_1650710538.jpeg)
_1650710555.jpeg)
_1650710593.jpeg)
Жиналғандар “Еркіндік парламент заң қабылдаған жерде аяқталады" (Свобода заканчивается там, где парламент принимает законопроекты), “Қисық заң түзеуге жақсы”, “Енді менің Назикке кибербуллинг жасауға тыйым салмақсыңдар ма?”(Вы что теперь хотите запретить мне кибербуллить Назика?), "Ресейдегідей болсын дейсіздер ме?",”Көз жетпеген жерге сөз жетеді”, "Мен енді мысықтарды қайдан көремін?" (Ну и где мне смотреть на котиков?) деген мәтіндегі жтб плакаттар ұстай келген.
Заңгер, азаматтық белсенді Әйгерім Құсайынқызы Батыс елдеріндегі кибербуллингпен күрес амалына тоқталып, әлеуметтік желіні бұғаттау туралы заң жобасының ҚР Заңына қайшы екенін атап өтті.
Әйгерім Құсайынқызы
"Кибербуллинг - әлеуметтік желілерде сіздің қадір-қасиетіңізге, абыройыңызға нұқсан келтіретін зорлық-зомбылықтың бір түрі. «Бұл жағдайда ар-ожданымды мемлекет қалай қорғай алады, буллинг жасаушыға қатысты қандай жаза қолдану керек?» деген сұраққа «Интернетті блоктау арқылы» деп жауап береді. Әлемнің дамыған елдері кибербуллингпен жасанды интеллект арқылы, ақпараттық-құқықтық заңнама күреседі. Ал бізде ұсынылып отырған заң жобасы біздің Конституциямыздың 20-бабында көрсетілген Сөз бостандығы туралы заңғы қайшы", - дейді ол.
Митингіге аталмыш заң жобасына қарсылықтан бөлек, қаңтар қырғынында қуғынға ұшырап, қамауға алынғандарды босатуын талап ете келгендер де болды.
_1650710700.jpeg)
Ал Factcheck.kz сайтының бас редакторы Думан Смақов президент Қасым-Жомарт Тоқаевты құжатқа вето қоюға шақырды. Смақовтың сөзінше, құжаттағы ережелер жұмсартылғанымен, әлеуметтік желілер мен мессенжерлерді шектеуге жол ашады.
_1650710764.jpeg)
_1650710788.jpeg)
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
