Былтырғы президент жолдауында айтылған бір мәселе – кәсіптік, техникалық мамандықтардың сапасын арттыру жайы. Көптеген оқушылар түрлі колледждерді бітіргенмен, өзінің дипломына жазылған мамандықты 100 пайыз меңгеріп шықпай жататыны, оөу бітіргеннен кейін жұмысқа тұрып, бәсекеге қабілетті маман болып шыға алмайтыны жасырын емес. Бұл туралы жолдауда да айтылды. Осыған орай, бұл мамандықтарды оқытатын оқу орындарына реформа керек-ақ. Қазіргі таңда бұл бағытта алғашқы жұмыстар жүргізіліп те жатыр.
Техникалық және кәсіптік білім департаменті басшылығының хабарлауынша 2023 жылы 1 қыркүйектен бастап колледждерге жаңа үлгілік оқу бағдарламаларын енгізіледі. Бұл бағдарлама 6 бағыт пен 16 пән бойынша жүргізіледі. Ол бағыттар қатарына әлеуметтік-экономикалық, педагогикалық, техникалық-технологиялық, аграрлық-технологиялық, әлеуметтік-экономикалық, қоғамдық-гуманитарлық бағыттар кіреді.
Жаңа үлгідегі оқу бағдарламасы бойынша жұмыс беруші талаптары және өңір ерекшеліктері мен сағат саны, тақырыптардың мазмұны 25 пайызға дейін өзгеруі мүмкін.
«Жалпы білім беретін пәндердің оқу бағдарламаларында білім алушылардың ынтасын мен қызығушылығын арттыруға мүмкіндік беретін бейіндік бағытты ескеретін болады. Ол мамандыққа бағытталған кәсіби қызығушылықтың дамуына ықпалын тигізеді. Арнайы тақырыптарға арналған зерттеулер жүргізу үшін мысалы «көлем» тақырыбын алсақ, мұғалім толық түсіндіріп зерттеу мақсатында, сабақты қозғалтқышы бар шеберханада өткізе алады. Мұғалім оның қалай жұмыс істейтінін көрсетіп, студенттермен бірге қозғалтқыш және жану камерасы сияқты элементтерінің сызбасын қарастырады. Білім берудің бұл әдісі маман үшін өте маңызды», - деді департамент директоры Ернат Жүнісов.
Колледжге тапсыратындардың 80 пайызы дерлік 9-сыныптың түлектері. Оларға бірінші жылы жалпы білім беретін пәндерді оқытады. Екінші жылдан бастап мамандыққа арналған пәндерді сабақ кестесіне кіргізеді. Колледждер енді жалпы орта білім берудің үлгілік бағдарламаларын емес, студенттер таңдаған мамандыққа бағытталған практикалық сабақ негізінде оқытылады. Студенттер көбіне арнайы тақырыптармен, ғылыми практикамен айналысқаны маман болып қалыптасуына үлкен септігін тигізері анық. Көптеген компаниялар мен мекемелерден сұранысқа ие маман даярлау үшін студенттерге көбіне практика жақсы көмек берері анық. Елімізде тоғызыншы сыныптан соң колледжге кетушілер саны артып келеді. Олардың дайын кадр болып шығуын толыққанды қамтамасыз ету мақсатынды оқу үлгілерінде біраз өзгерістер болатынын ескерсек, коллдежді тәмәмдаған түлектердің де дап-дайын маман болып шығуына енді еш күмән болмасы анық. Еліміз бойынша мыңнан аса коллдеж өз жұмысын жасап отыр. Олардың ішінде басым бөлігі: гуманитарлық және технологиялық, көпсалалы, экономикалық, технологиялық, педогогикалық бағытта білім беретін коллдеждер.
Айта кету керек, Қазақстандық білім жүйесі бойынша колледжге түскен студенттердің оқу ұзақтығы кәсіптік білім беру мамандығына байланысты, орта білім алынғаннан кейін екі не үш жылды, ал орта мектептің тоғызыншы сыныбынан соң 4 жылдан артық емес оқытылады.
Байланысты жаналықтар
MalimBlocks
