Құқық қорғаушылар өлтіріп, фельдшер сотталды
Бүгін Семей қаласының №2 соты 2022 жылғы қаңтар оқиғасы кезінде қамауға алынғаннан кейін азаптаудан қайтыс болған Жандос Жотабаевтың өліміне «кәсіби міндеттерін орындамады» деп уақытша ұстау изоляторының фельдшері Гүлмира Төлеубекованы кінәлі деп тапты. Оған үш жыл мерзімге емдеу мекемелерінде фельдшер қызметін атқару құқығынан айыра отырып, бір жылға шартты түрде бас бостандығынан айыру жазасы тағайындалды. Қылмыстық кодекстің 63-бабына сүйене отырып, жаза шартты болып саналсын», – деді судья Төлеген Сұлтанов.
Сондай-ақ Төлеубековадан зардап шеккендердің өтемақы қорына 30 630 теңге өндірілмек. Сот моральдық шығын өндіру туралы талап арызды ішінара қанағаттандырып, Жотабаевтың пайдасына 500 мың теңгені белгіледі. Сонымен қатар Төлеубекова адвокаттың шығыны үшін 500 мың теңге төлеуі тиіс.
Қорғаушы тараптың айтуынша, фельдшердің Жотабаевтың өліміне еш қатысы жоқ. Төлеубекованың екі адвокаты бұл жағдайда бірінші кезекте азаптау қолданып, жәбірленушінің денсаулығына ауыр зиян келтіргені үшін фельдшерді емес, полиция қызметкерлері мен уақытша ұстау изоляторының бастығын жауапқа тарту керектігін алға тартады.
«Жандос Жотабаев – билік ресми түрде мойындаған қаңтар оқиғасы кезінде азаптауға ұшыраған алты адамның бірі. 6 қаңтарда митингке қатысқаны үшін ұсталып, орталық полиция бөлімінде екі күн қамауда отырып, кейін уақытша ұстау изоляторына ауыстырылған. 17 қаңтарда олар жедел жәрдем шақырып, Жотабаевтың қайтыс болғанын хабарлайды. Бауыры Ердос Жотабаевтың айтуынша, мәйітті тексерген кезде денесінде көгерген іздер болған. Оның 11 қабырғасы сынған, сонымен қатар плеврит болған деген қорытынды жасалған»,- деп хабарлайды басылым.
Жотабаевтың өліміне байланысты бөлек процесте "Қатігез, адамгершілікке жатпайтын немесе қадір-қасиетті қорлайтын қарым-қатынас, азаптаулар" (146-бап) бабы бойынша екі полиция қызметкері Әлішер Қанақынов және Ерсұлтан Ағзановқа айып тағылған. Олардың соты енді ғана басталды.
Самое читаемое
