Бүгін Шымкент қалалық Жұмыспен қамту және әлеуметтік қорғау басқармасы басшысының міндетін уақытша атқарушысы Ерман Бекмұратов ақпараттық-коммуникациялық орталығында брифинг берді.
Брифинг барысында Ерман Нұрланұлы азаматтық құқықтық актілерін тіркеу, көші-қон мәселесі және оралмандармен жұмыс жасау мәселелеріне де тоқталып өтті.
– Басқармада азаматтық құқықтық актілерін тіркеу бойынша осы жылдың үш айында 6 579 хат қаралып, 15 068 азаматтық хал актісі тіркелді. Ал қала бойынша 340 отбасы (464 адамға) қандас мәртебесін алып, оны 6 айға ұзартқандар саны 88 отбасыны (106 адамды) құрады. Сондай-ақ, ҚР заңнамасына сәйкес, Шымкентте оралмандар мен олардың отбасы мүшелерін бейімдеу және ықпалдастыру орталығы ұйымдастырылған. Бүгінде орталықта 14 отбасы (29 адам) қоныстанып, бейімдеуден өтуде, – деді ол.
Жыл басынан бері 34 862 отбасыға (172 089 адам) мемлекеттік атаулы әлеуметтік көмек тағайындалыпты. Ал бұл отбасыларға «Грамад» сауда орталығы арқылы 47 244 дана кепілдендірілген әлеуметтік топтама таратылған деді Е. Бекмұратов.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
