Тұрғыны күннен күнге өсіп келе жатқан Шымкент сияқты мегаполисте құрылыс қарқынын бақылап отыру өте маңызды. Осыған орай Шымкент қаласындағы Әл-Фараби ауданы Төле би көшесі №12 мекенжайда орналасқан қойма нысандары толықтай бұзылды. Өйткені, құрылыс заңсыз салынған. Бұл жайлы Шымкент қаласы әкімдігінің баспасөз қызметі хабарлады.
Аталмыш құрылыс нысанының меншік иесі қала құрылысы құжаттамасын әзiрлеудiң, келісудің, сараптамадан өткізудің және бекiтудiң белгiленген тәртiбiн сақтамастан, құрылыс жүргізген. Сондай-ақ, құрылысқа техникалық және авторлық қадағалауларды қатар жүргiзбей, белгіленген тәртіппен мемлекеттік сәулет-құрылыс бақылауын және қадағалауын жүзеге асыратын органдарды хабардар етпепті. Оның үстіне құрылыс нысаны құрылысты жүзеге асырған тұлғаға тиесілі емес жер учаскесінде салынған көрінеді.
Жалпы, ҚР Заңнамалары бойынша қажетті рұқсат алынбай салынған тұрғын үй, басқа да құрылыс, ғимарат немесе өзге де жылжымайтын мүлік өз бетінше салынған құрылыс есептеледі. Талапқа, заңға сай емес, өз бетiнше құрылыс салған адам нысанға меншiк құқығын ала алмайды. Оның құрылысқа билiк етуге, сатуға, сыйға тартуға, жалға беруге, басқа да мәмiлелер жасауға – құқығы болмайды.
Осыған байланысты, қалалық әкімдік қала тұрғындарын құрылыс - монтаж жұмыстарын бастар алдында заң талаптарын сақтауға шақырады.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
