Жамбылда мүмкіндігі шектеулі азаматқа үйінің құжаты қайтарылды
Ол банктен алған несиесін толық өтегенімен, кепілде тұрған үйдің құжаты қайтарылмаған.
Адам құқықтары жөніндегі уәкілдің Жамбыл облысы бойынша өкілінің Жуалы ауданында өткен жеке қабылдауы кезінде 2-топтағы мүгедектігі бар ер адам банк мәселесін шешуге көмек сұраған. Белгілі болғандай, мүмкіндігі шектеулі жан банктен алған несиесін толық өтегенімен, банк әкімшілігі кепілде тұрған үйдің құжаттарын қайтаруға асықпаған.
"Сонымен қатар, арызданушы жеке сот орындаушыларының шотына қойған барлық шектеуді алып тастауды да сұрады. Өтінішпен танысқан өкіл Қазақстан Республикасы Қаржы нарығын реттеу және дамыту агенттігіне және Жамбыл облысының Әділет департаментіне мән-жайларды тексеру үшін хат жіберді. Нәтижесінде банк үйге құқық белгілейтін барлық құжатты қайтарып, жеке сот орындаушылары қойған шектеу алып тасталды", - делінген хабарламада.
Фото: kwork
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
