27 ақпанда Ұлттық қауіпсіздік комитеті прокуратураның үйлестіруімен бопсалау күдігі бойынша Ақмола облысының 2 тұрғынын ұстады.
«Тергеу материалдары бойынша олар шетелдік «заңдағы ұрылар» деп аталатын топтың қамқорлығымен кәсіпкерлерден ақша бопсалаумен айналысқан. Осылайша «Бурабай» курорт аймағының бизнес субъектілеріне қылмыстық бақылау орнатуға тырысқан. Тінту кезінде атыс және суық қару, сондай-ақ есірткі заттары алынды», - делінген ҰҚК баспасөз қызметі хабарламасында.
Соттың санкциясымен ұсталған адамдарды қамауда ұстау түріндегі бұлтартпау шарасы қолданылды. Қылмыстық кодекстің 194-бабы 3-бөлігінің 2-тармағы бойынша сотқа дейінгі тергеп-тексеру жүргізілуде.
Фото: ҰҚК
