Демеу Жадыраев - Олимпиаданың күміс жүлдегері
Грек-рим күресінен 77 келідегі ұлттық құраманың мүшесі Демеу Жадраев Олимпиаданың күміс жүлдесін иеленді, деп хабарлайды Malim.kz.
Грек-рим күресінен тәжірибелі палуанымыз Демеу Жадыраев (77 кг) Париж Олимпиадасының күміс жүлдегері атанды.
Ол финалда биыл Азия чемпионы атанған жапон Нао Кусакаға есе жіберді. Есеп: 2-5.
Егемен Қазақстан тарихында бұл салмақта (77 кг) бірде-бір спортшымыз Олимпиаданың финалында күреспеген.
Отандасымыз Токиодағы өзінің алғашқы Олимпиадасында алғашқы айналымда Сёхэй Ябикудан (Жапония) жеңіліп қалған.
ДЕМЕУ ЖАДРАЕВТЫҢ ФИНАЛҒА ДЕЙІНГІ ҚАРСЫЛАСТАРЫ:
1/8 айналым. Хаир Алексис Куэро (Колумбия) 9-0.
Ширек финал. Ақжол Махмұдов (Токио Олимпиадасының күміс жүлдегері, 2 дүркін әлем чемпионы) 3-1.
Жартылай финал. Санан Сулейманов (Әлем чемпионатының 2 мәрте күміс жүлдегері) 6-1
Финал. Нао Кусака (биылғы Азия чемпионы, былтырғы әлем чемпионатының қола жүлдегері)
Фото: Турар Казангапов
Самое читаемое
