Демеу Жадыраев пен Нұрқожа Қайпановқа Күрес федерациясы пәтер сыйлады

Астанада Қазақстан Республикасының грек-рим, еркін және әйелдер күресі федерациясының 2024 жылдың қорытындысына арналған есеп беру конференциясы өтті, деп хабарлайды Malim.kz.
Жиынға ҚР туризм және спорт министрлігінің өкілдері, федерация басшылары, өңірлік курес федерацияларының өкілдері, бас және аға бапкерлер, күрес мамандары қатысты.
Осы жылы еліміздің палуандары Олимпиада, Әлем мен Азия біріншіліктерінде тамаша өнер көрсетті. Барлық жас ерешеліктері бойынша аталмыш додаларда спортшыларымыз ел қоржынына 110 медаль әкелді. Демеу Жадыраев Париж төрінде күмісті олжалады. Демеу Жадыраев, Нұрғожа Қайпанов пен Ислам Евловевтерге пәтер кілті табысталды.
Ал ҚР туризм және спорт министрлігінің шешімімен грек-рим, еркін және әйелдер күресі федерациясы 2024 жылдың ең Үздік федерациясы болып танылды.

«Әрине, осы жылғы федерация жұмысын қанағаттандырылық деп есептеймін. Барлық әріптестеріме алғысымды айтамын. Палуандарымыз жақсы өнер көрсетті. Жылдың ең Үздік федерациясы атандық. Бірақ, алда қырауар жұмыс бар екенін ұмытпауымыз керек. 2025 жылы біз бұдан да биік жетістіктерге қол жеткіземіз деп сенемін», - деді конференция соңында Федерация Президенті Дәулет Тұрлыханов.