«Қайрат» футбол клубы суперкубокты жеңіп алды
Айта кетейік, "Қайрат" үшін бұл тарихтағы үшінші Қазақстан Суперкубогы
22 ақпанда Астанада Қазақстан Суперкубогы үшін ойын өтіп, "Қайрат" пен "Ақтөбе" құрамалары кездесті. Бұл жекпе-жек елде жаңа маусымды ашты,-деп хабарлайды Malim.kz.
Бірінші тайм 0:0 есебімен тең аяқталды. Ал кездесудің 58-минутында бразилиялық легионер Қайрат Элдер Сантана командасын алға шығарды. Одан кейін 62-минутта Еркін Тапалов алаңнан қуылып, алматылықтар бір адамға кем қалып ойынды жалғастырды. Бірақ бұл жағдайдың өзінде "Қайрат" "Ақтөбе" қақпасына тағы бір гол соқты. Мұны Беларусь жартылай қорғаушысы Валерий Громыко жасады.
Осылайша "Қайрат" кездесуде 2:0 есебімен жеңіске жетіп, Қазақстан Суперкубогын жеңіп алды!
Айта кетейік, "Қайраттың" жас таланты, мансабын Лондонның "Челсиінде" жалғастыратын Дастан Сәтпаев екінші таймда қосалқы құрамнае шығып, жеңісті кездесуге қатысты.
Қазақстан Суперкубогы үшін матч
Қайрат - Ақтөбе - 2:0 (0:0)
Гол: Сантана, 58, Громыко, 86.
Қызыл қағаз: Тапалов, 62 (Қайрат).
Айта кетейік, "Қайрат" үшін бұл тарихтағы үшінші Қазақстан Суперкубогы. Бұған дейін бұл атақты алматылық команда 2016 және 2017 жылдары жеңіп алған болатын.
Рекорд – 6 Суперкубок жүлдесін жеңіп алған "Астанаға" тиесілі.
Фото: qfl.kz
