Қазақстанның ауыратлеті Едіге Егемберді жасөспірімдер арасында әлем чемпионы атанды, деп хабарлайды Malim.kz.
Испанияның Леон қаласында жасөспірімдер арасында әлем чемпионаты өтіп жатыр. Аталған жарыста қазақстандық Едіге Емберді жеңімпаз атанды.
89 келіге дейінгі салмақ дәрежесінде сынға түскен қазақ ауыратлеті екі жаттығуда 352 келіні (153+199) бағындырды.
Айта кетейік, бұл әлем біріншілігіндегі Қазақстан құрамасына түскен екінші медаль. Бұған дейін 81 келіде өнер көрсеткен Ерасыл Сәулебеков жарыстың қола жүлдегері атанған еді. Ол екі жаттығудың қорытындысы бойынша 344 келі (154+190) зілтемір көтерді.
Фото: ҰОК
