ҚПЛ: «Астана» сырт алаңда «Ақтөбеден» басым түсті
Футболдан Премьер-лига командалары арасындағы ел біріншілігі 13-туры аяқталды.
Аталған турдағы негізгі ойын «Ақтөбе» мен «Астана» арасында өтті. Турнир кестесінде қатар келе жатқан қос команда жеңіске жетуге тырысты. Тартысқа толы кездесуде қарсыластар бір-бірінің қақпасы маңында жиі шабуыл ұйымдастырды.
Ойынның 84-минутында Назми Грипши мүлтіксіз орындаған пенальти «Астанаға» жеңіс алып келді.
Осылайша елордалық команда қарсыласынан 1:0 есебімен басым түсіп, турнир кестесінде 33 ұпаймен жеке-дара көш бастады.
Сондай-ақ тағы бір ойында «Қайсар» (Қызылорда) мен «Ұлытау» (Жезқазған) 1:1 есебіне қанағат білдірді.
Еске салсақ, қостанайлық «Тобыл» Талдықорғанның «Жетісуынан», семейлік «Елімай» Түркістанның «Тұранынан» 2:1 есебімен басым түсті.
Аталған турда көкшетаулық «Оқжетпес» Шымкенттің «Ордабасы» командасына 0:1 есебімен жеңіліп қалса, алматылық «Қайрат» Петропавлдың «Қызылжарын» 1:0, «Жеңіс» «Атырауды» 2:0 есебімен жеңді.
Енді алдағы тур ойындары 28 және 29 маусым күндері өткізіледі.
Фото: Футболдан Қазақстан кәсіби лигасы
Ең көп оқылған
