УЕФА Қазақстан футбол федерациясы президентіне наразылық білдірді
Әділет Барменқұлов УЕФА-ға мүше елдердің жартысынан көбі Ресей жастар құрамаларын халықаралық турнирлерге қайтарғысы келеді деген мәлімдеме жасаған еді
Футбол Қауымдастықтарының Еуропалық Одағы құпия ақпараттың таралып кеткеніне наразылық білдірді. Бұл туралы sportarena.kz хабарлайды.
Қазақстан футбол федерациясының президенті Әділет Барменқұлов УЕФА-ға мүше елдердің жартысынан көбі Ресей жастар құрамаларын халықаралық турнирлерге қайтарғысы келеді деген мәлімдеме жасаған еді. УЕФА бұл мәлімдемеге қатысты пікір білдірді.
- Топтық отырастардың бірі саясаттың еуропалық футболға әсеріне арналды. Онда өзекті геосаяси тақырыптар мен мәселелер ашық талқыланды. Біздің сенімімізді ақтамай, өзіне бірнеше саяси ұпай жинау мақсатында орынсыз әрі нақты емес контентті жариялап жіберген адамнан көңіліміз қалды, - деп хабарлады УЕФА-ның баспасөз қызметі.
Фото: instagram/kff_resmi
