Кәсіпқой бокстан орта салмақта WBO/IBF тұжырымдары бойынша әлем чемпионы Жәнібек Әлімханұлы (16-0, 11 КО) екінші орта салмақтағы үш негізгі белбеудің иегері мексикалық Сауль «Канело» Альварес туралы айтты, деп хабарлайды Malim.kz.
«Канело? «Мен оны талай рет жекпе-жекке шақырдым», - деп жазды қазақ боксшысы өз парақшасында. Алайда, мексикалық даңқты боксшы Жәнібектің әлеуметтік желіде жазғандарына мүлдем жауап берген емес.
Бүгін таңға жуық Жәнібек Әлімханұлы орта салмақтағы тағы бір әлем чемпионы, WBC титулының иегері Карлос Адаместі өзіне қарсы рингке шыққысы келмегені үшін сынға алған болатын.
Әлімханұлының келесі жекпе-жегі 5 сәуірде Астанада өтеді, оның қарсыласы француз Анауэль Нгамиссенгуэ болмақ.
Фото: Top Rank
