Қарағанды облыстық дзюдо федерациясының президенті Тимур Турсумбаев жаңа лауазымға тағайындалды, - деп хабарлайды Malim.kz тілшісі.
Қарағанды облыстық дзюдо федерациясының президенті, сондай-ақ еліміздегі алғашқы кәсіби дзюдо клубы – "ЖЕҢІС" клубының бас директоры Тимур Турсумбаев Азия дзюдо одағының (Judo Union of Asia, JUA) маркетинг және даму жөніндегі директоры лауазымға ресми түрде тағайындалды.
Бұл туралы JUA президенті Обайд З. Аль-Анзи мырза жеке хабарлап, Тимур Турсумбаевтың жоғары кәсіби деңгейін, серіктестік пен демеушілік бағыттарын дамытудағы, сондай-ақ дзюдо спортын өңірлік деңгейде ілгерілетудегі әлеуетін ерекше атады.
"Бұл — мен үшін үлкен мәртебе әрі Қазақстанды халықаралық деңгейде танытуға берілген маңызды мүмкіндік. Мен бұл лауазымды отандық спортты дамыту және халықаралық байланыстарды нығайту мақсатында тиімді пайдалануға ниеттімін", — деп атап өтті Турсумбаев.
Бұл тағайындау Мемлекет басшысы Қасым-Жомарт Тоқаев айқындаған спорт саласындағы реформалар бағытымен толық үйлеседі. Туризм және спорт министрі Ербол Мырзабосыновтың қолдауымен елімізде өңірлік бастамалар мен жекеменшік жобалардың рөлі арта түседі.
Айтап айтқанда, 2024 жылғы Олимпиада чемпионы Елдос Сметов пен Олимпиада ойындарының қола жүлдегері Гусман Қырғызбаев – "ЖЕҢІС" клубының белсенді мүшелері болып табылады.
Фото: "ЖЕҢІС" клубы
