Министр оқулық жеткізу мәселесін шешпек

Malim Админ

  • 11.02.2020

Білім және ғылым министрлігі мектептер оқулықтармен қатар көркем әдеби кітаптарға да тапсырыс беруі тиіс деп есептейді. Сондай-ақ биылдан бастап мектептерге оқулықтар оқу жылы аяқталмай тұрып жеткізіледі.

Білім және ғылым министрі Асхат Аймағамбетовтің ойынша, орта мектептер көркем әдеби кітаптарға да тапсырыс бергені жөн. «Біз балалардың оқуға, кітапқа, әдебиетке деген махаббатын оятқымыз келеді. Бірақ оқу орындары мен мектептер көркем әдеби кітаптарды алғысы да келмейді. Керек десеңіз, қазір тиісті әдеби кітаптардың қоры да қалмай барады. Сол себепті бұл мәселені де назарға алайық», - деді Асхат Аймағамбетов 11 ақпан күні өткен білім және ғылым министрлігінің ақпараттық отырысында.

Министр сондай-ақ мектептерге оқулықтар ертерек жеткізілуі керек деген бастама көтерді. «Жыл сайын бізде мектептерге оқулықтарды жеткізу бойынша проблема туындайды. Сол себепті осы жылдың 31 наурызына дейін оқулықтарды жеткізу бойынша мемлекеттік сатып алу жұмысын аяқтауды тапсырамын. Әдеттегідей, шілде немесе тамыз айларына дейін күтудің қажеті жоқ. Олай етсек, жыл сайын осы проблемамен бетпе-бет келе береміз. Бұл жұмысты 31 наурызға дейін атқаруға ештеңе кедергі келтіріп тұрған жоқ», - деді ол.

«Бізде оқулықтарға тапсырыс беру жағынан проблема бар. Мектеп оқулық көлемі бойынша бір сұраныс, ал білім басқармасы немесе бөлімі екінші көлем бойынша сұраныс жолдайды. Себеп түсініксіз. Бәлкім, бұл бағытта вице-министр арнайы мониторинг тобымен мәселені бақылауға алу керек болар. Тәуекелдер көп», - деді Асхат Аймағамбетов білім және ғылым министрлігінің аппараттық отырысында.

Фото: egemen.kz

 

Байланысты жаналықтар

«Ішкі істер академиясында курсанттарды бопсалайды»

25.12.2020

"Назарбаев мектебіне келіп, вирус жұқтырыңыз!"

20.06.2020

Оңтүстік өңіріндегі білікті дәрігер

19.05.2021

997. Қазақстанның телефон коды өзгереді

21.09.2021

Қазақстан ғылымының әлеуетін дамыту үшін не істеліп жатыр?

31.08.2021

Мектептегі бағалау жүйесі өзгермек

02.02.2020
MalimBlocks
«Ішкі істер академиясында курсанттарды бопсалайды»

"Назарбаев мектебіне келіп, вирус жұқтырыңыз!"

Оңтүстік өңіріндегі білікті дәрігер

997. Қазақстанның телефон коды өзгереді

Қазақстан ғылымының әлеуетін дамыту үшін не істеліп жатыр?

Мектептегі бағалау жүйесі өзгермек