Коронавирус: Қолыңды жумасаң, бәрі бекер

  • 04.03.2020
  • Malim Админ

Коронавирустан сақтану үшін маска тағудан бұрын жеке бас тазалығын сақтау керек. Ал медициналық маска ауруға шалдыққан адам мен дәрігерге ғана қажет. Қарапайым осы қағиданы айту үшін дәрігерлер бүгін астанада арнайы брифинг өткізді.

«Коронавирус ауада ұшып жұғатын ауру емес. Ал медициналық маска ауру адам түшкірген кезде сілекейін шашпауы үшін және науқастармен жұмыс істейтін медициналық қызметкерлерге керек. Егер ауырған, түшкірген адамға өте жақын тұрсаңыз, медициналық масканың еш көмегі жоқ. Әрине, масканы коронавирус инфекциясын алдын алу үшін қолдануға болады. Оңтүстік Кореяда дүкенде кезекте тұрғандар медициналық маска таққанымен, халық көп, иық тіресіп әрең тұр.  Осыдан кеп ауру асқынып тұр. Халық тығыз жерде вирус  тез тарайды, жылдам жұғады. Осыны ескеру керек. Видеодан көріп алып, маска сатып алуға жүгіргенше жеке бас тазалығын сақтау керек. Коронавирусы 60-70 градус ыстықта бірден өледі, сондықтан, шикі азық-түліктен бас тартып, жеміс-жидекті ыстық сумен жуып алып, қолды үнемі тазалап жуу қажет», ­- деді Балалар жұқпалы аурулар кафедрасының меңгерушісі, профессор Динагүл Баешова.

Айта кетерлігі қазір еліміздегі дәріханалардан жұрт жаппай медициналық маска сатып алып жатыр. Денсаулық сақтау министрлігі бұл дүрбелеңді алыпсатарлар әдейі ұйымдастырып, маска саудасын қыздырып жатыр деп түсіндірді.

Байланысты жаналықтар

«Қытайлар айлығымызды көтермесе ереуіл тоқтамайды»

29.01.2021

Тоқаевтың аузына қараған жұрт қалаға кіре алмай тұр

11.05.2020

Қазақстанда коронавирустан бір адам қайтыс болды

26.03.2020

42 500 теңге төлемеу үшін ТЖ алып тастады, ал карантин күшінде

11.05.2020

Елжан Біртанов коронавирус жұқтырды

14.06.2020

Дертке шалдыққандар саны алтыға жетті, «Nur Otan» шегінді

14.03.2020