Нәтиже жоқ
Барлығын көру
  • Саясат
  • Сараптама
  • Сұхбат
  • Білім және Ғылым
  • Әлеумет
  • Руханият
    • Ертегі
  • Абай-175
Malim.kz
Malim.kz
Нәтиже жоқ
Барлығын көру
Басты бет Басты

Сол жағалау: «Енді маған мектепте орын жоқ»

Астананың сол жағалауында тұратын оқушылардың жанайқайы

malim Авторы: malim
09.03.2020
Share on FacebookShare on Twitter

Астананың сол жағалауында тұратын балалардың жағдайы қазір онша мәз емес. Мектептерде орын жетпейді, бір сыныптағы балалар саны 40-тан асып кеткен! Негізі, 25-27 адам болу керек. Сондықтан, білім және ғылым министрлігі қалай құбылтса да, мұндағы білім сапасы түкпірде қалған ауылдардан соншалық алыс емес.

Дүйсенбі, 9 наурыз күні балалары №59 мектепте оқитын сегіз бірдей тұрғын үйдің тұрғындары «Толып кеткен мектепте оқыған қалай?» атты көрме өткізді. Бұған әкімдіктің мектептің жанындағы бос тұрған жерге жаңадан тұрғын үй комплексін салу туралы шешімі себеп болыпты.

Алып қашпа сөзге қарағанда, Ислам орталығының алдынан екі мыңыншы жылдардың басында «Инфинити» тұрғын үй кешенін салу жоспарланған. Сол кезде әуежайдан келе жатқан президент жаңа көп қабатты үй мешіттің әдемі көрінісін жауып тастайтынын ескертіпті. Осыдан кейін 2006 жылы қалақұрылысы кеңесі бұл жерде құрылыс салу туралы шешімнің күшін жойған. Және бұл нақты құжатпен бекітілген.

 

Кейінгі жылдары осы маңдағы тұрғындар ата-аналардың бәрінде балаларын коммерциялық үйірмелер мен балаларды дамыту орталықтарына беретін мүмкіндік жоқ болғандықтан, әкімдіктен бұл территорияға парк немесе оқушылар сарайын салуды сұрапты. Бірақ, әкімдік тұрғындарға нақты ештеңе айтпайды, сырғытпа жауап берумен келе жатыр. Енді міне, жақында ғана бұл жерге белгісіз бір құрылыс компаниясы тұрғын үй құрылысын жүргізуге дайындалып жатқанын хабарлаған.

– Біз әкімдіктен мұнда құрылыс жүргізуге кімнің рұқсат бергенін, кімнің келісім жүргізгенін білгіміз келеді. Құжаттардың заңсыз жолмен жасалғаны сөзсіз. Құрылыс компаниясының құрылыс жүргізуге рұқсат қағазы жоқ, бірақ, олар территорияны қоршап, жұмыстарын бастап кетті, – дейді жергілікті тұрғын Олжас БІЛӘЛОВ.

– Осы уаққа дейін тұрғындар жағдайдан бейхабар келген, өйткені, әкімдікте бұл құрылыс жоспары жайлы нақты ақпарат болмаған. Бұл жерге біресе ештеңе салынбайды деді, біресе Оқушылар сарайын салуға уәде берді. Енді көп қабатты үйдің құрылысы салынатынына көз жеткізіп отырмыз. Біз бұған мүлде қарсымыз. Аудандағы тұрғындардың саны мектептің оқушылар қабылдау мүмкіндігіне сәйкес келу керек. Мұнда адамдар көшіп келгенде не болады? – дейді осы маңда тұратын Шолпан ДАҚПЫРТОВА.

Қалалық билік №59 мектептегі оқушылар санының көптігі мәселесі жақын маңда жаңа мектеп салынған соң шешіледі деп уәде берген. Бірақ, әлі өзгерген ештеңе жоқ. Қала маңы аудандары тұрғындарының қалаға қоныстануы күннен күнге артып келеді, оқушылар саны көбейіп жатыр. Тұрғындар мектептерде кабинеттік жүйе жойылып, бос тұрған кез келген бұрыш сыныпқа айналған. Бұл тек сапасыз білім беруге ғана емес, олардың денсаулығына да зиян тигізеді.

– Мектепте балалар 3 аусыммен оқиды. Балалардың шешінетін жерлеріне дейін сабақ оқитын қылып қойды. Кружоктар істейтін жер жоқ — өте тығыз . Балаларымызды машинамен алып жүреміз, басқа машина кағып кетпесін деп. Халықтың жағдайын ойлау керек қой. Жаңа үй керек емес. Мектепте айналатын жер жоқ. Ондай болмайды. Бұл ауыл емес қой, – дейді Әмина Әбілдина.

– Кейде бізде дене шынықтыру сабағы болмай қалады, өйткені, біз көппіз, сол себепті, спортзалда орын болмай қалады. Тіпті, кейде бірнеше сынып бірге жаттығатын кездер болады, ондайда өте қызықсыз, – дейді сегіз жасар Ибраһим.

Тұрғындар осы жағдайға байланысты президентке, Елбасына ресми хат жазған. Қала әкімі Алтай            КӨЛГІНОВТЕН тұрғындармен жиналыс өткізіп, жер учаскесін құрылыс жүргізушілерден алып, мемлекет қарамағына алуды сұрап, Facebook арқылы талап етіпті. Бірақ, әкімдік мыңдаған адамның өтінінішіне құлақ асар ниет байқатпапты.

«Толып кеткен мектепте оқыған қалай?» көрмесінің мақсаты – қиын жағдайда оқып жатқан балалардың жанайқайына қоғамның назарын аудару. Олардың балалық шағы кептелістер мен репетиторлық орталықтарда өтіп жатыр. Олар Конституцияда кепілдендірілген сапалы білім алу құқығынан айрылып отыр.

– Енді мектепте маған орын жоқ, – деді журналистерге бес жасар суретші Санжар.

Tags: 59 мектепMalim.kzАлтай КөлгіновАстанаАстна мектептеріКөлгіновМалим.кзМәлім сайтМәлім сайтыМәлім.кзМәлімкзОқушылар сарайыСол жағалау

Ұқсас жазбалар

Сағынтаевтың әкімдігі Боранбаевтың қонақ үйін жалдап жатыр

Авторы: Елнұр Бақытқызы
01.03.2021
0

Бақытжан Сағынтаев басқаратын Алматы әкімдігі Essentai Tower ғимаратында орналасқан аса қымбат The Ritz Carlton Almaty қонақ үйін жалдауға бюджеттің 25...

89 жыл бұрынғы хат: Қазақтар биттеп кеткен, әйелдері үсіген баланы құшақтап жүр

Авторы: malim
01.03.2021
0

Тарихқа үңілу қайшылықты қоздыру емес, өткен күннің кемшілгінен сабақ алу үшін қажет. Осыдан 89 жыл бұрын жазылған мына хатты  https://istmat.info...

Фото: diapazon.kz

Жолдарды мақтайтын блогерлерге миллиондар бөлінбек

Авторы: Елнұр Бақытқызы
27.02.2021
0

Блог-турға баратын блогерлер мен тілшілерге қаламақы, қонақ үй мен ас-суы төленеді.

ОҚИ ОТЫРЫҢЫЗ

80 постқа 10 миллион теңге төлейді

21.05.2020
ziare.com

Алматыда коронавирустан аурухана қызметкері қайтыс болды

16.05.2020

Путинге жауап: Аштықтың құнын төлесін

24.06.2020

БАЛАЛАР ӘДЕБИЕТІ ЖӘНЕ НҰРДӘУЛЕТ АҚЫШ

07.12.2020

Халықтық өнімді сатып алып, қазақстандық өндірушіні қолда

28.12.2020
  • Біз туралы
  • Жарнама
Байланыс: +7 702 109 72 25

© 2020 Malim.kz - Қоғамдық-саяси сайт! Туған күн тілек, құттықтау!

Нәтиже жоқ
Барлығын көру
  • Сараптама
  • Сұхбат
  • Білім және Ғылым
  • Әлеумет

© 2020 Malim.kz - Қоғамдық-саяси сайт! Туған күн тілек, құттықтау!