Тасқын, дауыл, сел «Құнанбай әулетін» талқан етті

  • 11.07.2021

Кешегі түстен кейінгі қатты жаңбыр, дауыл, сел Абай ауданы, Қасқабұлақ ауылымен қатар Ақшоқыдағы «Құнанбай әулетінің» де қорымын талқан етті. Қанша жерден табиғи апатқа балағанымызбен, өткен жылы ғана атап өтілген Абай Құнанбайұлының 175 жылдық мерейтойы еріксіз еске түсіп тұратыны түсінікті. Ақын тойы аясында Ақшоқы қыстауындағы Құнанбай Өскенбайұлы мен ұрпақтары жерленген тарихи нысан да былтыр ерекше әрленген болатын. Құнанбай Өскенбайұлының құрметіне музей салынып пайдалануға берілгені де елдің есінде.

Алайда, күні кешегі боран Ақшоқыдағы тарихи нысанда былтырғы абаттандырудың қалайша сапасыз жүргізілгендігін көрсетіп берді.

Демалушыларға арналған шатырлы ағаш орын қисая құлағаны аздай, Абайдың әкесі туралы жазылған мрамор тас ортасынан қақ бөлініпті. Бұл туралы аудан орталығы Қарауылда тұратын Мәлікаждар Жүнісжанов «Фейсбук» әлеуметтік желісінде жариялап, сондағы бірқатар топтарға таратып дабыл қақты. Сонымен қатар Абайдың 175 жылдығы аясында салынған нысандардың бір жаңбыр, дауылға шыдамай қирап қалғанына қынжылысын білдірді.

-Абайдың 125жылдығында салынған бірде бір нысан нөсерден құлаған жоқ. Өйткені әрбір құрылысты ауданның сол кездегі бірінші басшысы Хафиз Матаев тікелей бақылайтын, өзі үлгермей жатса, ауатком басшыларына тапсыратын. 50 жыл өтседе, сол құрылыстар әлі тұр. Бақыламаған сон мердігерлерге бәрібір,-деді ол.

Ал, мәселенің байыбына үңілсек, бұл мәдени маңызы бар нысан қазіргі күні Семей қаласындағы облыстық өлкетану музейінің қарамағына қарайды. Музей басшысы Қайрат Сабырбай  орын алған жағдайға қатысты былайша түсінік берді.

-Музей тарапынан ауданға хабарладық. Дүйсенбі күні акт жасатамыз. Негізі тапсырыс беруші біз емес. Абай Мәдениет үйі мекемесінен қабылдап алғанбыз. Осы нысан құрылысын жасаған мердігердің кепілдігі бар болса, сол қайтадан жасап береді. Ол енді, ертеңгі акт жасалған соң барып, белгілі болады. Қабылдап алғанымызға бір апта ғана болған еді дейді,- музей басшысы Қайрат Сабырбай.

Сәтжан Қасымжанұлы,

Шығыс Қазақстан облысы.

 

Байланысты жаналықтар

Кезекші сыныпта оқитын оқушыдан коронавирус анықталды

23.09.2020

Дәрігер Біртановқа: Молдағасымованы арашалауды доғарыңыз!

04.06.2020

Заңсыз әрекетке қатаң заңмен жауап керек

31.03.2020

Қасқыр мен қорқауды атуға лимит жарияланды

03.02.2020

Көпбалалы отбасыларға 106 пәтер берілді

12.04.2021

«Нұрлы жерді» жүзеге асыру үшін 21 млрд бөлінді

16.11.2020
MalimBlocks
Кезекші сыныпта оқитын оқушыдан коронавирус анықталды

Дәрігер Біртановқа: Молдағасымованы арашалауды доғарыңыз!

Заңсыз әрекетке қатаң заңмен жауап керек

Қасқыр мен қорқауды атуға лимит жарияланды

Көпбалалы отбасыларға 106 пәтер берілді

«Нұрлы жерді» жүзеге асыру үшін 21 млрд бөлінді