Мамин әлеуметтік төлемді көбейтіп жіберді
Үкімет басшысы Асқар Мамин 2022 жылғы 1 қаңтардан бастап Мемлекеттік әлеуметтік сақтандыру қорынан төленетін әлеуметтік төлемдердің мөлшерін ұлғайту туралы қаулыға қол қойды. Қаулыға сәйкес, еңбек ету қабілетінен айырылу және асыраушысынан айырылу жағдайына байланысты әлеуметтік төлем мөлшері бес пайызға артады.
“2022 жылғы 1 қаңтарға дейін Мемлекеттiк әлеуметтiк сақтандыру қорынан еңбек ету қабілетінен айырылу және асыраушысынан айырылу жағдайларына тағайындалған әлеуметтiк төлемдердiң мөлшерiн 2022 жылғы 1 қаңтардан бастап алатын әлеуметтік төлемдердің мөлшерінен бес пайызға арттыру жүргізілсін”, - делінген қаулы мәтінінде.
Сондай-ақ қаулы 2022 жылғы 1 қаңтардан бастап қолданысқа енгiзiлетіні айтылған. Төлем үшін “Азаматтарға арналған үкімет” мемлекеттік корпорациясына жүгіну керек.
