Президент: «Газ, су, электр қуаты үшін төлем тоқтатылады»

  • 17.03.2020
  • Malim Админ

16 наурыздан бері коронавирсқа қатысты елде жүріс-тұрысты шектеген Франция президенті Эммануэль МАКРОН «біз соғыс жағдайындамыз» деп мәлімдеді. Бұл туралы BBC сайты жазды.

Макрон елге жасаған жолдауында қатаң түрде карантин жариялап, азаматтардың ел ішіндегі жүріп-тұруына шектеу қойып, Еуроодақ шегінен тыс елдермен қарым-қатынастың тоқтатылатынын айтты.

«Менің сұрап отырғаным бұрын-соңды болып көрмеген жағдай, бірақ, жағдай осыны талап етеді. Біз соғыстамыз», - деді Франция президенті.

«Бұрын-соңды болып көрмеген жағдай» кезінде азаматтар 15 күн бойы жөнсіз үйден аттап шықпайды, көп адам жиналатын шаралар түгелдей тоқтатылады. Маңызы бар ресми реформалар мен мемлекеттік шешімдер де кейінге қалдырылды. Бұл шектеулерді бұзғандар жауапкершілікке тартылады. Сонымен қатар, ендігіде коммуналдық қызметтер тегін жүргізіле бастайды.

«Ертеңнен бастап ешкім ақшасыз қалмауы үшін су, электр мен газ, сондай-ақ пәтерақы төлемін есептеу тоқтатылады», - деді президент.

Соңғы мәлімет бойынша, Францияда соңғы бір тәулікте 1,2 мың адам вирус жұқтырып, жалпы саны 6,6 мың адамға жеткен. Коронавирустан 148 адам қайтыс болған.

Айта кету керек, коронавирус Қазақстанда да тіркеліп, соңғы мәлімет бойынша Алматы мен елордада 33 адам жұқтырғаны анықталды. Осыған орай елде төтенше жағдай жарияланып, екі қала 19 наурыздан бастап карантинге жабылатыны белгілі болды.

Байланысты жаналықтар

Ақмәди Сарбасов «42 500 теңге» төлемін тағайындау жайын қорытындылады

26.05.2020

Шамаң келсе, шығып көр немесе Алматы пандустарының машақаты

01.04.2021

178 миллионға 20 дәретхана салынбақ

04.08.2020

Қазақстандық диджей Иманбек Зейкенов Grammy премиясын жеңіп алды

15.03.2021

Жақсылық Үшкемпіров қайтыс болды

02.08.2020

Балуан әкім жылу қашан береді?

16.10.2020