Халықаралық олимпиада комитеті Токио-2020 коронавирус пандемиясына байланысты келесі жылы өтеді деп хабарлады. Бұл туралы олимпиада комитетінің мүшесі Дик ПАУНД мәлімдеме жасады деп хабарлайды MALIM сайты USA Today басылымына сілтей отырып.
Комитет өкілінің айтуынша, әзірге олимпиаданың 2021 жылға шегерілетіні анық болып отыр, бірақ, нақты детальдары алдағы 4 апта ішінде нақтыланады.
«ХОК-та бар ақпараттарды негізге ала отырып Олимпиаданы кейінге шегеру туралы шешім қабылданды. Детальдарын әзірге айта алмаймыз, бірақ, бір нәрсе анық болған сияқты – Ойындар 2020 жылдың 24 шілдесінде басталмайды», - деді Паунд.
Бұған дейін Австралия мен Канада елдері олимпиада 2020 жылдың жазында өтетін болса спортшыларын Токиоға жіберуден бас тартқан. Сондай-ақ, бірнеше спорттық ұйымдар мен мекемелер де Токио-2020 жазғы олимпиада ойындарын кейінге шегеру туралы ұйымдастыру комитетіне ұсыныс түсірген.
Байланысты жаналықтар
MalimBlocks
